Pancit Canton For The Soul

Idol Ko Si Dyesebel

2008-05-03T23:36:00.000-07:00

Oo, idol ko sya. Not necessarily idol ko si Marian Rivera, Vilma Santos, Alice Dixon o kung sino pang gurlalu na gumanap ng Dyesebel. Basta trip ko lang maging kagaya nya. Kung halimbawang sumali ako sa isang beauty contest (oo, beauty contest talaga!) at tanungin ako kung sino ang favorite fictional character ko, walang kagatul-gatol na sasabihin kong "When I grow up, I wanna be like Dyesebel. And I don't feel any pressure right now." And why?

1. Lagi syang wet.

Dahil sa dagat sya nakatira, natural lagi syang wet. At dahil isa syang half tao, half isda dapat mapanatili nya ang wetness ng katawan nya or else daing na sirena ang labas nya. At idol ko sya dahil like her, gusto ko lagi din akong wet. Pruweba nyan ang haba ng oras na ginugugol ko sa paliligo: 30-45 minutes. Minsan nga inaabot pa ko ng one hour sa paliligo pag di ko namamalayan ang oras dahil aliw na aliw ako sa pagkudkod ng libag sa likod ko. Ewan ko ba. Once kasi na dumampi ang tubig sa balat ko, nakakalimutan ko na ang lahat. Feeling ko nasa ibang dimension ako at ang mundo ay isang malaking banyo. Kaya ayun, madalas akong late sa work. Isa din akong beach-loving person. Kaya nga tuwang-tuwa ako nang makarating ako ng Boracay at Palawan. Kasi pwede akong magbabad to sawa na hindi ako nagwoworry na baka tumaas na naman ang water bill ko.

2. Maganda at kaakit-akit sya.

Don't get me wrong, maganda at kaakit-akit din ako. Kahit itanong nyo pa sa...akin. Pero kapag kasi sinabing sirena, una lagi nating naiisip na magaganda at kaakit-akit sila (natutunan ko yan nang minsan manood ako ng Dyesebel sa Channel 7, which is Channel 12 sa TV ko). Kaya nga laging magaganda ang mga artistang gumaganap na Dyesebel devah, para mabigyan ng justice ang kagandahan nila. Kaya nga maraming kalalakihan ang nahuhulog sa spell ng kagandahan nya. At kagaya nya, gusto ko marami ding kalalakihan ang mabighani sa angkin kong kariktan kesehodang amoy malansa ako.

3. Sexy sya.

Hindi ko alam kung anong klaseng work-out ang ginagawa ni Dyesebel kung bakit napapanatili nya ang kanyang kaseksihan. Siguro primera klase ang gym nila. Hindi ko din alam kung anong klaseng diet ang ginagawa nya (South Beach Diet kaya?). Pero napanood ko sa TV series na sea weeds lang ang kinakain nila, so that means effective ang pagkain ng sea weeds everyday para magkaroon ng sexy figure. Kung gayon, gagawa ako ng petisyon sa mga manufacturers ng pancit canton na gumawa sila ng noodles na gawa sa sea weeds! Nang sa gayon, maging kasing-sexy din ako ni Dyesebel!

4. Maganda ang hair nya.

Kung ako sa mga advertisers, kukunin kong commercial model ng shampoo si Dyesebel! Tignan nyo naman, lagi nyang napapanatili ang kagandahan ng kanyang buhok: long, dark, shiny, bouncy, and manageable. Kaya lang, for sure alam kong di nagsha-shampoo si Dyesebel dahil ayaw nyang ma-pollute ng chemicals buhat sa shampoo ang dagat na tinitirahan nya. So malamang ang sikreto nya sa pagkakaroon ng long, dark, shiny, bouncy, and manageable hair ay ang pagbababad ng hair nya 24/7 sa tubig dagat, mapa-fresh water o salty water pa yan! Kaya magmula ngayon, di ko na ipapa-rebond, hot-oil o hair spa ang buhok ko. Ibabad ko na lang sa tubig-dagat para maging long, dark, shiny, bouncy, and manageable din ang hair ko!

5. Kakaiba ang fashion statement nya.

Tignan nyo nga naman, kahit sa ilalim ng dagat, may fashion statement din ang mga sirena! At very resourceful talaga sila! Biruin nyo, seashells para maging bra! Minsan nga, starfish pa! Ang bongga devah! Samantalang dito sa lupa, may ibang kababaihan na hindi makapag-isip kung ano ang gagawing alternative na bra kapag nasa labahan na ang lahat ng bra nila! Lalo na yung mga gurlalu na nasa FHM, Maxim, at kung anu-anong pang men's magazine kaya hinahayaan na lang na nakatiwangwang ang mga papaya nila! Trip ko din ang mga headband ni Dyesebel na gawa sa seashells. Nakakabilib talaga ang mga sirena kasi kahit nasa ilalim sila ng dagat at malayo sa sibilisasyon, gumagawa din sila ng sarili nilang fashion statement based sa mga resources na meron sila. Very creative devah! Chochal!

6. Julantud din sya.

Kundi ba naman julantud ang babaeng yan, kesehodang malagay sa alanganin ang buhay nya, basta magkaroon lang ng mga paa at mamuhay nang parang tao makasama lang ang minamahal nyang si Fredo! May itinatago din palang kalandian ang hitad! Pero okay lang, dahil ang ibig sabihin kaya nyang hamakin ang lahat, matugunan lang ang tawag ng pag-ibig. Matigas ang ulo nya, pero ito ay dahil alam nya kung ano ang gusto nya. At gagawin nya ang lahat masunod lang ang pangarap nya! Try and try kesehodang you die!

Kaya move over Darna, Krystala, Volta, Valentina and Janina San Miguel! Dahil kabog ang mga super powers and fame nyo sa kakaibang karisma at inner beauty power na meron si Dyesebel! Kesehodang di sya kasama sa Tough Ten! Aha-ha-ha-ha! Dahil para sa akin isa syang tunay na ehemplo ng modernong Pinay, with or without the kaliskis (kaya na yan ng powers ng body lotion)!

Go Dyesebel! Itaguyod mo ang bandera ng mga Pinay!

The Canton-Driven Indie Life

2008-05-01T04:29:00.000-07:00

One year nang buhay independent ang drama ko sa buhay. At di ko akalain na tatagal ako ng one year dahil four months lang ang sentensya ko sa pagiging buhay independent ko.

Una, mahal ang monthly amortization. Kasyang-kasya lang ang sweldo ko sa budget ko for a month kaya malaglagan lang ako ng piso habang naglalakad sa EDSA eh malaking bagay na. Pangalawa, first time ever kong mamuhay on my own. Since birth eversince the world begun, eh lagi akong dependent sa iba.

Pero sabi nga, change is good, kaya for a change eh nagdecide na akong maging independent for my own good. At mabait talaga si Lord dahil hinayaan nya ako to go this far. At di ako nagsisisi sa ginawa kong ito dahil sa isang taon kong pamumuhay as independent eh marami akong natutunan at nadiscover.

Once a month ay nagkakaroon ka ng insomnia. Ito yung time pag malapit ka nang magbayad ng bahay at kulang ang pambayad mo kaya't di ka makatulog sa kakaisip kung paano ka magkakaroon ng money in an instant.

Ang pancit canton ay staple at basic food ng mga namumuhay ng independent, lalo na kung ikaw ay "kitchen illiterate".

Ang pagkain ay madaling mapanis kapag di mo nilagay sa ref...dahil wala ka namang ref.

Pag nag-grocery ka, hindi lang sa Food and Toiletries section ang pinupuntahan mo ngayon. Dumadalaw ka na rin sa Household Items section. Alam mo na rin kung anong brand ang mainam panglinis ng CR: Palmolive Naturals Shampoo. Try nyo.

Ang bahay kapag hindi mo nilinisan ng dalawang linggo at hindi mo winalisan ng kahit isang araw lang ay talagang dumudumi.

Hindi ka na naiinis kapag umuulan. Ito ay dahil nalilinis ang bintana mo.

Ang Gasulito ay tumatagal ng isang taon o higit pa. Lalo na kung ginagamit mo lang naman itong initan ng tubig.

Ang mailbox ay hindi lamang para sa mga mails. Pwede din itong lagyan ng mga brochures, leaflet, flyers or balat ng candy. Para naman magkaroon ng silbi ang mailbox mo dahil wala namang sumusulat sa yo.

Ang buhay independent ang pinakamabisang paraan para mawala ang pagiging matatakutin mo sa dilim. Ito ay dahil mas takot ka ngayong tumaas ang bill mo sa Meralco kesa makakita ng multo kaya 7:00 PM pa lang ay patay na ang ilaw mo.

Kapag naging independent ka, matututo kang mangalikot. Dahil kapag may nasira kang gamit, susubukin mo itong kalikutin para wag mo na itong dalhin pa sa repair shop. Ang matitipid mong pera dito ay idagdag mo na lang pambili ng pancit canton.

Pag 2nd hand ang TV mo, posibleng ang Channel 7 mo ay makitang malinaw sa Channel 12. Ito ay kung nasa tamang posisyon ang TV mo at ang antenna nito...habang hawak-hawak mo.

Kapag nasa 8th Floor ka, dinig na dinig mo ang mga nagvivideoke sa barangay ninyo. Pero nadiscover mo na mabisa palang lullaby ang "boses lasing" dahil nakakatulog ka agad kapag nadidinig mo silang kumanta. Marahil dahil nalalasing ka din sa boses nila.

Kahit one year ka na, posibleng wala ka pa ring naidadagdag na appliances o gamit sa bahay mo. At kalahati ng mga gamit mo sa bahay ay pawang mga "donations" from your charitable friends.

Ang pamumuhay pala sa condo ay parang kabilang-buhay. Posibleng habambuhay kang magstay dito kapag nabigyan ng eternal life.

Aytenchu, bow sa lahat ng mga taong responsible sa pagiging successful ng buhay independent ko. Laging bukas ang condo ko para magpakanton, rain or shine, dead or alive.

At kung ang sabi ni Pope Pius XII ay "True Science discovers God waiting behind every door", ang masasabi ko naman, "True independent life discovers pancit canton waiting behind every kitchen".

Pancit Canton For Dummies

2008-04-28T07:14:00.000-07:00

Sa halos araw-araw na pagkain ko ng pancit canton, na-perfect ko na ang pagluluto nito. But wait there's more, me nadiscover pa kong iba't ibang pancit canton recipes, na isang milagro, himala, at innovative para sa kagaya kong "kitchen illiterate". At dahil hindi ako madamot, nais kong ibahagi ang ang "nadiscover" ko na baka magbigay sa akin ng Nobel Prize someday.

Pancit Canton Classic

Magpakulo ng tubig sa kaldero. Bago pa ma-reach ng tubig ang kanyang boiling point, ilagay na ang noodles. Habang hinihintay lumambot ang noodles, pagsama-samahin na ang seasoning, oil & soysauce sa paglalagyan ng pancit canton. Halu-haluin lang hanggang sa magmukhang sauce. Kung hindi mukhang sauce, isipin mo na lang, sauce yan. Wag lalagpas sa tatlong minuto ang pagpapakulo sa noodles. Kailangan firm pa rin ito at hindi soggy (yung luray-luray na). Salain ang noodles and let it stand for a few minutes, tapos ikaw naman ang mag-sit habang hinihintay mong matuyo ng konti yung noodles. Pag sigurado ka nang "dehydrated" na ang noodles mo, saka ihalo ang noodles sa sauce.

Pakanton
(Pandesal with Pancit Canton)

Sundin lang ang steps sa Pancit Canton Classic. Tapos ipalaman sa pandesal. Magtira lang ng isang piraso ng pandesal, hindi upang lagyan ng pancit canton kundi upang ipangsimot sa sauce na natira sa plato.

Pan-C-Log
(Pancit Canton at Itlog)

Sundin lang ang steps sa Pancit Canton Classic. Tapos lagyan lang ng nilagang itlog, pulang itlog, pritong itlog, kwek-kwek, balut, or itlog ng dinosaur sa ibabaw bilang garnish.

Pancit Canton ATBP.

Sundin lang ang steps sa Pancit Canton Classic. Tapos ihalo lang ang mga natirang ulam nang nakaraang gabi o nung isang araw. Kung walang natirang ulam, manghingi sa kapitbahay.

PCafe
(Pancit Canton with Coffee)

Sundin lang ang steps sa Pancit Canton Classic. Tapos sabawan ng mainit na kape. Lagyan ng creamer para mas malinamnam.

Bon Appetit!

Canton at BJ

2008-04-26T06:48:00.000-07:00

Kung ang chicken soup ay ang comfort food para sa mga "troubled soul", well, not for me. Una, hindi ako marunong magluto ng chicken soup, not unless ito ay mabibili sa mga groceries or supermarkets na nakalagay sa foil pouch. Pangalawa, mahal ang presyo, para sa isang kagaya kong malaglagan lang ng pisong barya, eh malamang maglalakad na lang pauwi. Pangatlo, medyo matagal lutuin. Kahit na nga ba may available nang instant chicken soup ngayon, usually it will take 10-15 minutes para ito lutuin. Matagal na ito para sa kagaya kong laging naghahabol sa oras. Mas mabilis lutuin ang chicken soup na mabibili na nakalagay sa lata, pero halos triple ang presyo. Kaya para sa kagaya kong namumuhay ng independent na hindi marunong magluto at laging nangangailangan ng relief in an instant, isa lang ang comfort food: pancit canton.

Bakit pancit canton? Una, dahil madaling lutuin. Mainit na tubig lang ang kailangan, halo-halo together lang ng mga kasamang condiments, may pancit canton ka. Pangalawa, dahil mas mura. 7.50 pesos lang isa ang presyo nito sa suki kong supermarket. Pangatlo, mabilis lutuin. Sa loob ng tatlong minuto (or less than three minutes, depende sa level ng gutom mo at tapang ng sikmura mo kung kaya mong kumain ng noodles na medyo matigas-tigas pa), may instant pancit canton ka na! It's a miracle!

Una kong nasubukang kumain ng pancit canton nung college ako. In-introduce ito sa akin ng isang boardmate. Habang nagrereview ako para sa board exam at sya naman ay para sa final exam, nag-offer syang magluto ng pancit canton para malamnan ang naghihingalo naming utak at sikmura. Kaya masasabi kong utang ko sa pancit canton (at sa boardmate kong laging nagpo-provide ng pancit canton) ang pagkakapasa ko sa board exam. Kung ito ay dahil sa MSG nutrients na na-digest ng utak ko kakakain nito, eh hindi ko alam. Ang importante pumasa ako.

Muli kong nasubukan ang reliability ng pancit canton nang mag-umpisa akong mamuhay ng independent. Para sa kagaya kong kapos sa cooking and culinary skills at J.A.W. (Just.Add.Water) lang ang alam, malaking bagay na ang pagkakaroon ng instant pancit canton na available sa market. Kaya nga nang magkaroon ng rice shortage, di ako affected. Kasi hindi naman rice ang staple food ko.

Alam kong bad for the health kapag madalas kang kumain ng pancit canton. Sakit sa bato ang una mong kalaban dito. Pero ang masasabi ko lang, mas gugustuhin ko na yatang kumain ng pancit canton, kesa magyosi o uminom ng alak araw-araw. Besides, sa tindi ng pollution ngayon sa Metro Manila, malaki ang posibilidad na hindi sa sakit sa bato ang ikamamatay ko. Anyway, kung feel kong magpaka-health conscious, pwede ko namang solusyonan yun. Eh di yung noodles na lang ang kainin ko devah!

Kaya kung ang Chicken Soup for the Soul ay koleksyon ng mga short stories for inspiration, ang Pancit Canton for The Soul naman ay ang koleksyon ko ng mga experiences, ideas at kung anu-ano pang anik-anik na gustong kumawala sa utak ko, not just only to create inspiration but to promote humor to have a good laugh. After all, sa dami ng masasalimuot na pangyayari sa buhay natin ngayon, aren't we all deserve to have a good laugh?

Ito kasi ang naidudulot sa akin ng pancit canton (bukod sa MSG at kung anu-ano pang additives): Instant relief. Instant joy. Instant satisfaction. Kabusugan, hindi lang para sa sikmura, kundi para na rin sa kaluluwa. Lalo na kung sasamahan mo pa ng BJ (buko juice) bilang panulak. Try mo.

Got pancit canton?